بعد الإفراج عنهم مؤقتا. 22 مغربي اللي حرگ بعد ما سلت من مطار بالما غادي يبقى فالصبليون بعد قرار المحكمة

albayancom0@gmail.com
قالت تقارير إخبارية، أن المحكمة الإقليمية لجزر البليار قررت، مؤخرا، رفض الطلب اللي تقدمات بيه الشرطة الوطنية الاسبانية بطرد 22 حراگ مغربي واللي متهمين ف قضية سلتة مطار بالما دي مايوركا.
وف يناير الفايت، تم الإفراج بصفة مؤقتة عن 22 مغربيا اللي حرگو ف سلتة مطار بالما دي مايوركا. المحكمة اعتبرات أن الوقائع لا تدخل في نطاق جريمة الإخلال بالنظام العام، وف المقابل غادي تستمر الإجراءات القضائية بالنسبة لجرائم الإكراه. كما تم سحب الباسبورات ديالهم ومنعهم من مغادرة مايوركا، على أن يتم دمجهم في مركز لاحتجاز الأجانب.
وطبقا دائما للائحة الاتهام الصادرة عن مكتب المدعي العام، تسبب هؤلاء الركاب في "حالة غير مسبوقة في الأجواء الأوروبية " وتصرفوا بشكل منسق. وطالبت النيابة بسجن المهاجرين المتهمين وفق ما نص عليه قانون الملاحة الجوية لسنة 1964.
وعرف مطار بالما دي مايوركا ف نونبر 2021، حادثة غريبة بعد توقف اضطراري لطيارة تابعة ل"العربية للطيران" كانت غادية ل تركيا وتوقفات باش تعطا الإسعافات لشاب عندو 23 عام دار راسو عندو السكر وجاتو غيبوبة. هاذ الظرف خلا أكثر من 20 مغربي يستغلو الفرصة وسوء الأحوال الجوية يضربوها ب حرگة، لكن البوليس والحرس المدني شدو بعد ايام البعض منهم.