الوداد بدا كيوجد للعام الجاي

غادي ينطالق فريق الوداد الرياضي بطل المغرب وإفريقيا فالاستعداد للموسم المقبل، من بعدما استفادو اللاعبين ديالو من العطلة لي تمنحت لهم بعد نهائي كأس العرش قبل أسبوعين.
وغيرجع الفريق الأحمر لجو ديال التنافس إبتداء من يوم غد الثلاثاء 16 غشت، بإجراء الحصص التدريبية ولي غيشرف على تنظيمها المدير التقني ديال النادي بدر القادوري فانتظار الالتحاق ديال المدرب الحسين عموتة لي عندو التزام مع المنتخب الوطني المغربي المحلي.
وغتعرف التداريب ديال الوداد الرياضي الالتحاق ديال مجموعة من الأسماء الجديدة بالفريق الأحمر من ضمنها محمد اوناجم لي رجع للفريق من بعدما انتهت التجربة ديالو مع الزمالك المصري وأيضا إسماعيل المترجي لي جاي من شباب المحمدية.
بالمقابل غتغيب مجموعة من الأسماء على إنطلاق التداريب ديال الوداد ومن بينها ويحيى جبران وأيوب العملود ويحيى عطية الله ورضا الجعدي وأيمن الحسوني والملتحق مؤخرا بالفريق حميد أحداد نظرا للالتزام ديالهم مع المنتخب الوطني المغربي المحلي لي كيستعد باش يشارك فدوري ودي دولي بالنمسا فالأيام القليلة المقبلة، وأيضا كيغيب الليبي مؤيد اللافي لي مازال كيتعالج من الإصابة.