خط بحري جديد غادي يريط بين ويلبا وكازا فصيف 2022

albayancom0@gmail.com
هيئة ميناء ويلبا الاسباني خدامين هاذ الايام على خطة استعجالية الهدف منها تحويل مرافق الميناء والرصيف الجنوبي إلى منطقة حدودية تابعة لفضاء شنگن حسب المعايير الاروبية، وحسب تقارير اخبارية، ف الهدف من هاذ الاجراءات هو تشغيل خط بحري مع الدار البيضاء، غادي يكون مخصص لنقل البضائع وحتى الركاب انطلاقا من الصيف المقبل.
المسؤولين عن ميناء ويلبا جهزو كلشي باش يكون مركز التفتيش الحدودي للرصيف الجنوبي كيستوفي متطلبات الاتحاد الاوروبي وجاو مسؤولين كبار ديال الشرطة الوطنية وإدارة الهجرة وقامو بزيارة باش يتأكدو من جميع التفاصيل بما فيها الضوابط الأمنية وتركيب نقاط تفتيش لجميع الأشخاص والمسافرين اللي غادي ينزلو فيه من بلدان خارج الاتحاد الأوروبي.
الاجراءات شملات ايضا، حسب التقارير ذاتها، تعزيز الخدمات المتاحة في مركز التفتيش الحدودي والمرافق التشغيلية في الرصيف الجنوبي لضمان حركة الشحن وحركية السياح خلال أشهر الصيف وهاذ الشي كيحتاج لضوابط أكثر صرامة ووفقا للوائح الاتحاد الأوروبي.
https://www.huelvainformacion.es/huelva/Puerto-Huelva-entregara-documentacion-Schengen_0_1638438397.htm