زياش برا من تهريسة كتفو ويقد يلعب غدا ضد أرسنال

علن مدرب تشيلسي أن اللاعب الدولي المغربي حكيم زياش، رجع للتدريبات، بعدما تشافى من الإصابة فالكتف.
وبهذشي زياش عندو حظوظ باش يوجد ويشارك فمباراة تشيلسي ضد أرسنال.
وفريق تشيلسي عندو أمل باش يشارك زياش فاللقاء ديال غدا، من بعد ما كان غايب فالمباراة ضد كريستال بالاس بسباب الإصابة.
وقال توماس توخيل، مدرب تشيلسي، أن "حكيم ونجولو بجوج مارسو الرياضة اليوم، وماعندهم حتى مشكل صحي".
وزاد، فمؤتمر صحافي الجمعة، "ولكن مازال غنكلسو معاهم ومع الفريق قبل ما نتخذو القرار الحاسم، ولكن لحد الساعة كلشي مزيان".