جابوهم فروسهم. الفتوة الطاشرون لملايري ونسيبو مول اتاي تابعوهم بالضرب والجرح

علمت "كود" ان الطاشرون لملايري العلام اللي كان ضرب اكثر من عائلة ف"ايدن ايلاند" فبوزنيقة٬ قد تقدم هاد النهار لاربعا 11 غشت 2021 وقد توبع فحالة سراح من اجل الضرب والجرح فيما نسيبو مول اتاي بلخضر توبع بالمشاركة فهاد الضرب والجرح
الضحية واسمه المرنيسي وهو مدير شركة كان تقدم بشكاية ضد العلام ونسينو بالاعتداء عليه وكان معاه شهود وعندو شهادة طبية فيها 25 يوم عحز صحي.
الفيلم بدا فالبحر باش اولاد هاد العلام او عائلتو كانو راكبين على رابتورات واخا ممنوعين فكاع عمالة بنسليمان. شي حد قال ليهم صدعتونا وهما يتعداو عليه. كانت هادي هي العائلة الثالثة اللي تعداو عليها وفق شهود ل"كود" من هاد المنطقة