سكوب. توقعات أمانة البي جي دي لنتائج انتخابات 2021: الأحرار أولا ويقدر يوصل 100 مقعد والمصباح ميقدرش يفوت 75 مقعد برلماني

نقاش كبير وسط الامانة العامة لحزب العدالة والتنمية، خلال اللقاء الشهري لللي كان السبت 12 يونيو الجاري، حول توقعات نتائج الانتخابات البرلمانية 2021، واللي كانت صادمة بحيث كشفات على احتلال التجمع الوطني للأحرار للمرتبة الأولى وبمقاعد تقدر توصل 100 مقعد برلماني.
التوقعات اللي توصلت بها "كود"، هي ان البي جي دي ميقدرش يفوت 75 مقعد برلماني، بحيث ان الحزب غادي يتراجع بقوة في 6 جهات (ثلاثة جهات ديال الاقاليم الجنوبية، الجهة الشرقية، الشمال، بني ملال خنيفرة.
البي جي دي عندو قناعة انه مغاديش يفوت 75، بحيث ان ازيد من 20 دائرة غاتكون حظوظهم قليلة بزاف.
النقاش كان حاد فالامانة العامة علاش دوزات عليهم الدولة القاسم الانتخابي وقانون الكيف والتضييق على المنتخبين.