ثمنو مناسب ويمكن تديرو لراسك.. شركة صنعات اختبار كورونا مية فالمية مغربي

علنات شركة Gigalab أنها لونصات تصنيع تيستات سريعة ديال اللعاب، للكشف على مرض كوفيد 19، 100 فالمية مغربي.
وقال كريم زاهر، رئيس الشركة المغربية اللي بدات من 2007، أنها لونصات وحدة صناعية لإنتاج هذ الاختبارات، اللي كتسمح بتصنيع اختبار PCR، وجوج اختبارات سريعة، بطاقة إنتاجية ديال 2 مليون وحدة فالشهر لمل تيست.
وزاد، فندوة صحافية عبر الأنترنت بخصوص هذشي، لبارح الخميس، أن المبلغ ديال الاختبارات، اللي دارت بشراكة مع وزارة الصحة، غيكون بين 80 و100 درهم، ويمكن لأي مواطن يديرو بنفسو بلا مايحتاج تدريب احترافي.