الخضرا والحمرا. لمضاربة على البطولة بدات بكري. بجوجهم ربحو فالدورة 5

الوداد والرجا بداو لمطايفة على البطولة بكري. دابا حنا فالدورة 5 واشهر فراقي كازا والمغرب شادين فالمقدمة. البارح الحمرا ربحات المغرب الفاسي ففاس بواحد لزيرو.
هدف ماركاه المهاجم التنزاني سيمون مسوفا فميطا اللولى وبالضبط فالدقيقة 28.
بهاد الرباح ولى الوداد عندو 11 نقطة تابع الرجا اللي كانت ربحات شباب المحمدية بواحد لزيرو حتى هي.
البطولة اللي فاتت شفنا لمطايفة بين الناديين وماسالى حتى الدقيقة اللخرة من البطولة. من الماتشات الاولى بدات رحلة لمطايفة على بطولة غادية تكون مختلفة وغادي يديها اللي يقدر يحافظ على النيفو فالموسم كامل.