اللمسة المغربية حاضرة فنهائي برنامج "The voice" ديال فرانسا- تصاور

البارح السبت كان نهائي برنامج "ذا فويس" ديال فرانسا، واللقب كان من نصيب المشارك لي سميتو "آبي" من فريق باسكال أوبيسبو.
من بين الضيوف ديال الحلقة النهائية كان المغني الفرنسي كيندجي جيراك لي غنا مع الفائز وهو لابس جابادور كحل فيه لمسات مغربية وحتى الخلفية ديال الاستوديو ملي كانو كيغنيو "les yeux de la mama" كان فيها بيبان بحال ديال مراكش.
وخلال السهرة غنا كيندجي لأول مرة الاغنية الجديدة ديالو "حبيبي".
والنهائي كان بلا جمهور بسبب كورونا وحتى فاش باسكال عنق المشارك لي ربح أكد المنشط نيكوس الياگاس أن هادشي استثناء حيت خاص الجميع ياخد التدابير اللازمة للحد من انتشار كورونا، ومنها التباعد الاجتماعي ولبس الكمامات