حصيلة كورونا هاد الصباح: تجاوزنا سقف 6000 حالة شفاء.. و26 تصابو و398 تشافاو

علنات وزارة الصحة، صباح اليوم الثلاثاء 2 يونيو فالبوابة الرسمية لفيروس كورونا بالمغرب، على تسجيل 26 إصابة جديدة فهذ 16 ساعة الأخيرة، وهكذا وصل عدد المصابين الإجمالي عندنا ل 7859 مصاب.
وهذ الصباح تسجل عدد كبير ديال حالات الشفاء، بحيث علنات الوزارة على تعافي 398 حالة، ووصل العدد ل 6291 فالمجموع، بمعنى فتنا سقف 6000 حالة شفاء.
وبخصوص الوفيات، ما تسجلات اليوم حتى شي وفاة جديدة، وبقى عدد اللي ماتو مستقر ف 205 متوفي فالطوطال.
ولحد الساعة، كاينة 221154 حالة تستبعدات إصابتها بالفيروس، بعد إجراء تحاليل مخبرية خرجات سلبية.
وهذا التوزيع ديال الإصابات حسب الجهات بالنسبة المئوية