كورونا قتلات خو سعيد الناصري.. وهاد الاخير ل"كود": انا حزين بزاف لفراق خويا

أكد سعيد الناصري، فتصريح ل"كود"، وفاة خوه محمد الناصري بسبب فيروس "كورونا" في فرنسا.
واكد الممثل المغربي ل"كود" بللي "الخبر صحيح للأسف الشديد"، وعبر على الحزن ديالو الشديد لفراق خوه اللي كان قيد حياتو عايش ففرنسا.
وكان الناصري نشر فيديو فالصفحة الرسمية ديالو على "فيسبوك" كيقول فيها ان خوه محمد تقاس بالفيروس، والصحة ديالو تدهورات، كيف عبر على الألم ديالو حيت عائلتو ماقدراش تشوفو او تطل عليه.
فنفس الفيديو وصا الناصري المغاربة باش يبقاو فديورهم ومايخرجوش، حيت هذ الفيروس خطير ويقدر يفتك بالناس اللي عزاز عليهم.