مشات حرية التعبير.. المغنية دعاء اليحياوي باغة تقسم كوميدية على 16 بسباب لايف – فيديو

فهاد الوقت ولا الواحد يخاف يعبر على رأيو واخةحرية التعبير مكفولة ومن حق الجميع.
البارح المغنية الصاعدة دعاء اليحياوي لي تعرفو عليها المغاربة من خلال مشاركتها في برنامج "ذا فويس" في لبنان، قالت في لايف مع جواد قنانة أنها غادي تشد الكوميدية أسماء بلعربي وتقسمها على 16.
هاد التهديد لي قالتو قدام 18 ألف واحد في لايف، جا بعدما دارت الكوميدية اسماء فيديو كتقول فيه باركة علينا من اللايفات، وفي فيديو ثاني خربقات وجهها بالماكياج كيفما كانت دارت دعاء مع قنانة.
المغنية الصاعدة متسرطاتش ليها هاد القضية، واعتبرت الأمر شخصي، واخا الملايين في المغرب كيديرو اللايفات وهاجمات الكوميدية بشكل مباشر وطلبات من الناس يوصلو ليها الميساج.