اللي ناقص فاصابة الوزير عمارة ب”كورونا فيروس”. واش هادوك 4 اللي كانو معاه ما فيهم والو لحد الان واش كلهم دارو ليهم الحجر؟

دابا الوزير عمارة عبد القادر وزير التجهيز والنقل والماء باللي فيه كورنا فيروس. كان فمهمة رسمية بدول أوروبية. ما كانش بوحدو. كانو معاه مدراء ومستشارين. يمكن العدد ديالهم فحدود 4 الاشخاص.
لحد الان كاينة معلومات على الوزير على مراتو على الوزراء وما كايناش معلومات على هادو اللي كانو معاه. المنطقي خاصهم الحجر لمدة 14 يوم.
وزارة الصحة قالت باللي العدد لحد الان 18 اصابة. حتى معطيات على هادوك اللي كانو معاه.
وفموضوع عندو علاقة ب”كورونا فيروس” كانت “الصباح” قبل ايام هدرات على شي تدشين غادي يكون فالرحمة لمركز صحي وكلشي تخلع باش سخفات شي طبيبة ودار التسيت لكاع المسؤولين ومن تماك وهما فحجر لمدة 14 يوم. فيهم مسؤولين كبار فكازا.