مغربي فيه “كورونا فيروس” فالإمارات

علنات وزارة الصحة فالإمارات العربية المتحدة بللي غير البارح سجلات 15 إصابة جديدة بفيروس “كورونا” المستجد، ومن ضمن الحالات المسجلة مغربي عايش تماك.
وهذ المغربي هو اللول اللي تم التاكد من إصابتو بكورونا خارج المغرب، فالوقت اللي تسجلات غير جوج إصابات فقط لمغاربة داخل البلاد.
فبيان رسمي ليها أكدات الوزارة بللي سجلات 12 لحالة من جنسيات مختلفة، وكيتعلق الأمر بجوج سواعدة وجوج إيرانيين وجوج من إثيوبية وجوج خرين من مصر، وعاد تايلاندي وشينوي وهندي ومغربي.
وبلغ عدد المصابين إجمالا بالفيروس فالإمارات 45 مصاب، فالوقت اللي ماتسجلات حتى حالة للوفاة فالبلاد.