كورونا فيروس ضربات اقوى رجل فالجيش الايطالي. دارو عليه الحجر الصحي: غادي نكمل خدمتي من اقامتي

“كورونا فيروس” ضرب الطاليان مزيان. اليوم بدا عزل 16 مليون ايطالي فلامبارديا ومناطق الشمال بعد ما وصل عدد المصابين فيه شي 6 آلاف إصابة وقتل 233 شخص. ولات ايطاليا هي الثانية فالعالم للي قتل فيها هاد الفيروس بنادم بعد الصين.
هاد الفيروس ما خلى حتى حد. وصل حتى اقوى عسكري فالبلاد وهو الجينرال سالفاتوري فارينا رئيس هيئة اركان الجيش الايطالي. فقد قال انه اصيب بالفيروس ودارو ليه الحجر الصحي.
المعني بالامر وفق ما نقلته الصحافة الايطالية هو اللي اكد هاد الشي “دارو لي الفحص وطلعات ايجابية”. واضاف “دابا غادي نتعزل فاقامتي كيف قالت السلطات الحكومية والبروتوكولات الصحية”.
واوضح انو بخير “راني بيخير وغادي نكمل خدمتي”.