بحالنا حنا مع تبون.. النكَالزة حاشمين ينطقو سمية رئيس الوزراء التونسي “فاك- فاك”

قررات الإذاعة البريطانية BBC تغير سمية رئيس الوزراء التونسي، إلياس الفخفاخ، حيت النطق ديال هاد الإسم بالنكَليزية هو فاك فاك اللي عندو معنى ممارسة الجنس، او كيتستعمل كمعيورة عند الانكَلوسكسونيين.
وبحكم أن حرف الخاء مكاينش فالنكَليزية، غيتم نطق إسم رئيس الحكومة التونسية هكذا “فاك فاك”.
وقالت رنا جواد، مراسلة BBC فتونس، بللي الأصل فالمشكل هو أن حرف الخاء كيتقلب للكاف فكثير من اللغات فالترجمة، حيت الاجانب كتجيهوم صعيبة ينطقو بصوت الحرف الأصلي.
وبالتالي اقترحات BBC تغيير اسم رئيس الوزراء التونسي من “فاك فاك” (Fak-fak) إلى “فاه فاك” (Fah- fak)، لأن هاد الصيغة قريبة بزاف لسميتو، وغيخليه مايعيقش بللي بدلوهاليه، باش كلشي يبقى على خاطرو.