استنفار ف كازا على ود الديربي الأمن اجتمع مع إلترات الوداد والرجاء و3400 بوليسي غادي يأمنوا الماتش

حالة استنفار كبيرة كتعيشها الدار البيضاء هاد ليامات، بسبب الديربي اللي غادي يجمع الوداد البيضاوي بغريمه التقليدي الرجاء البيضاوي ضمن ذهاب ثمن نهائي كأس محمد السادس للأندية العربية السبت الجاي.
السلطات الأمنية اجتمعت البارح الثلاثاء مع ألترات الوينيرز، الفصيل المساند للوداد وممثلين ديال الرجاء الرياضي (كرين بويز، وإيگلز، ودرب السلطان)، وحضروا كذلك ممثلي جمعية العش الأخضر.
الاحتياطات الأمنية فرضات يكون هاد الاجتماع باش بتاففوا على الإجراءات التنظيمية، اللي غادي تكون، وبالتالي تفادي كل ما من شأنه إثارة الشغب والفوضى أو تخلق حزازات بين جماهير الفراقي بجوج.
من بين الإجراءات، اللي غادي يدير الامن، منع جمهور الفريقين من التوجه إلى ملعب مركب محمد الخامس مشيا بأس ما تكونش اشتباكات ومضاربة بيناتهم ومنع كذلك من إدخال الشهب الاصطناعية النيران
وحسب مصادر “كود”، فإن السلطات الأمنية غادي تستاعن ب3400 رجل أمن، منها أفراد قوات التدخل السريع والقوات المساعدة وجدارمية والوقاية المدنية، باش يأمنوا عملية الدخول للملعب والخروج منه ومراقبة كل الطرقات المؤدية إلى مركب محمد الخامس.