“الأنسولين” طار من السوق.. والكاتب العام لوزارة الصحة ل”كود”: ها وقتاش غادي يكون موجود وها شنو وقع

omarelmouzaine@gmail.com
اختفاء مفاجئ كاين في مادة “الأنسولين”. فقد علمت “كود”، من مصادر متطابقة، أن عائلات مرضى السكري بعدد من المدن يعيشون على أعصابهم بسبب فقدان هاد المادة من مختلف الصيدليات، دون الكشف عن أسباب ذلك.
وأشارت المصادر نفسها، ل”كود”، أن بزاف ديال الصيديات فالمغرب كتعرف نقص في مادة “الأنسولين”، مما يعرض الحياة ديال مرضى السكري لخطر حقيقي، سيما بالمدن الكبرى بحال كازا وفاس ومكناس وطنجة وعاصمة دكالة الجديدة.
وعن الأسباب التي تقف وراء اختفاء هاد المادة الحيوية من السوق، قال الكاتب العام لوزارة الصحة، البروفسور هشام نجمي، في تصريح ل”كود”، أن كل ما في الأمر أن الشركة المكلفة بتوزيع هاد الدواء لي خدات المارشي تعطلات على عملية التوزيع وصافي”.
وأوضح الكاتب العام لوزارة الصحة، قائلاً: “مكاينش اختفاء ديال الأنسولين لكن واحد تأخر في التوزيع ودبا المشكل راه تحل وإنشاء الله انهار الاثنين المقبل 4 مارس غادي ترجع هاد المادة للسوق باش تتوزع بشكل عادي”.