حملة كبيرة على شبكات الحريكَ هاد صباح والBNPJ دخلو على وزين الفلايك فكازا

ضربة كبيرة عاود دارتها الفرقة الوطنية ديال الشرطة القضائية، وهاد العملية كانت بتنسيق مع “لابيجي” ديال وجدة، بعد معلومات دقيقة وفرتها “الديستي”، حيث أوقفت 16 شخصا في كل من مدن الدار البيضاء ووجدة وبركان والعيون الشرقية. هاد الموقوفين عندهوم علاقة بشبكة إجرامية تنشط فالمجال ديال تنظيم الهجرة غير المشروعة.
هاد التدخلات البوليسية، حسب بلاغ ديال مديرية الأمن، تمت فالإطار ديال عملية مشتركة ومتزامنة، تم القيام بها صباح اليوم الثلاثاء، وأسفرت عن توقيف 7 ديال الناس بورشة لصناعة الزوارق المطاطية بمدينة الدار البيضاء و9 آخرين بالمنطقة الشرقية.
وقالت المديرية أن العمليات ديال التفتيش مكنات من حجز 8 ديال الطونوبيلات و3 ديال الزوارق وهواتف محمولة وإيصالات لتحويلات مالية، وحاويات كبيرة لتخزين البنزين، علاوة على فلوس صحيحة.