“داعش” جابت الربحة ل3 لخوت فعين تاوجطات

علمت “كود”، من مصادر مطلعة، أن عناصر الدرك الملكي ديال المركز القضائي لمهاية ضواحي مكناس، أحالت اليوم الثلاثاء، شي خوت يشتبه أن عندهوم علاقة بتنظيم الدولة الإسلامية في العراق والشام، والمعروفة اختصارا ب”داعش”، على أنظار الفرقة الوطنية ديال الشرطة القضائية.
وحسب المصادر نفسها، ل”كود”، فإن الاعتقال ديال هاد الخوت اللي كيسكنو فعين تاوجطات جاء بعد التحريات اللّي دارو الجدارمية وبينات أنهم متشبعين بالفكر المتطرف. وماشي غير هادشي هاد مساخط الوالدين كانو على تواصل مع شي متطرفين على مواقع التواصل الاجتماعي. دبا التحقيق اللي غادي يوضح كولشي.