مدير للموارد البشرية: باطرون "رونو" هو اللي فرض على الحكومة الساعة الجديدة +التدوينة

الحكومة ومبرراتها ماقنعوش المغاربة بالقرار اللي خدات القاضي باعتماد التوقيت الصيفي كتوقيت دائم، وبانو من بعد بزاف ديال التحليلات والاشاعات.
أديب شيخي، اللي هو مدير شركة للموارد البشرية فالدار البيضاء، كتب في تدوينة ان مدير رونو جا للمغرب، وفرض على الحكومة تطبق التوقيت الصيفي بشكل دائم، بمبرر الخسارة اللي كتتعرض لها الشركة بسبب الفارق بين التوقيت المغربي وتوقيت الاتحاد الأوروبي.
هاد التدوينة تكتبات في شبكة "لينكد-إين"، وسط نقاشات وتحاليل بين رجال الأعمال وأطر في الأبناك ومسؤولين ديال بعض المؤسسات في المغرب.