التوحيد والاصلاح دايرا الحملة مع بنعرفة البيجيدي. باغا تنصبو امين عام صحة

نشرت صفحة التوحيد والاصلاح الاخوانية على الفيسبوك مقطع فيديو كايحاجي فيه بنعرفة البيجيدي على محاربة الفساد. وعنونت التوحيد والاصلاح الفيديو ب: العثماني: هذا منهجي في محاربة الفساد.
العنوان طبعا جاي في سياق الحملة الانتخابية لفائدة بنعرفة باش يولي امين عام حزب العدالة والتنمية فالمؤتمر المقبل. الفيديو قديم والدليل انه كايبان حداه عمر مولاي حماد لي طرداتو الحركة، وهذا كايزيد يأكد ان الحملة مخدومة ومنظمة.
هادشي لي بان لحد الساعة كايأكد أن بنعرفة مقادر يحارب لا فساد ولا هم يحزنون، الحاجة لي كان عندو فيها منهج هي الانبطاح وخيانة بنكيران وخيانة اصوات المواطنين.
دابا هاد التوحيد والاصلاح اشنو كاتقلب، مدة هادي وهي كتنشر فالصفحة ديالها مقاطع فيديو كلها حشيان هضرة لبنكيران وشي مقاطع فيها تهديد بطرده فالمقابل كاتمجد بنعرفة كون غير فيه مايتمجد.