مع العطلة: فكازا يقدر يتحول طاكسي صغير لواحد كبير بلا ميبدل اللون او الحجم وهاكيفاش‎

جشع واستغلال سائقي سيارات الأجرة الصغير بالدار البيضاء، لا يزال مستمرا. البارح الأحد مجموعة من للسائقين تكرفسوا على عباد الله وخلاوهم بلا تنقل في محطة ولاد زيان كيفاش؟
عشرات سيارات الأجرة الصغيرة، اصطفت بالقرب من باب دخول الحافلات بمحطة ولاد زيان، ومبغغوش يهزو عباد الله وهوما يلاه جايين من السفر بمناسبة العطلة الربيعية، واصطفوا ودايرين "الكالة" بلغة الطاكسيات الكبيرة، وكيهزو غير لوجهة وحدة: كعين الشق وخي الإنارة، كيركبو الزبون الأول ثم كيتسناو الثاني والثالث عاد كيتحركوا للوجهة، وعباد الله كشتوف وحاصلة في المحطة بلا مركوب.
هاد الحكرة خلات مجموعة من المواطنين بوليداتهم كيغوتو ويحتجوا بطريقتهم على صحاب الطاكسيات:"واش كتصحابو راسكم طاكسيات بيضين؟ والله حتا طغيتو"، احتجاجات لم تمنع سائقي سيارات الأجرة الصغيرة يديرو شرع يديهم يكملوا صفهم ويجمعوا لي بغاو ويمشيو فين باغين هوما.