حكم خايب ويزيد يرجعنا اللاور فحرية الصحافة. 50 مليون سنتيم ضد بوعشرين بسباب وكيل الملك مول طيارة الداخلة وشوهة جاية لينا

حكم خايب فيه بزافت الغباء صدر اليوم الاثنين ضد توفيق بوعشرين مدير نشر "اخبار اليوم" بعين السبع بكازا. الحكم فيه 10 الاف درهم غرامة وتعويض ديال 50 مليون سنتيم على قضية كان رفعها وكيل الملك بابتدائية مراكش على مقال راي ومتابعة صحافية دارتها الجريدة على قضية طائرة الداخلة. كان اتهم فيها وكيل الملك بتأخير رحلة بعد رفضه الجلوس في الدرجة الاقتصادية. الطائرة كانت جاية من الداخلة للدار البيضاء. المحكمة اعتبرت ان ما نشر قذف وسب علني ونشر مغالطات وافتراءات وكذب
وكيل الملك طلب لفلوس وما كانش بحال الحسن الثاني نهار طلب درهم رمزي من "لوموند" يعني ما يعني وثانيا حكم فهاد الوقت شوهة اخرى لحرية التعبير. شكون فالعالم الحر اللي غادي يصدق هاد الحكم. تسناو وغادين تشوفو المنظمات الدولية المعنية بحرية الصحافة.
فهاد العملية المغرب وصورته في العالم هو الخاسر الوحيد