انفراد. هاكاوا على الاتحاد ما عندوش علاش يحشم. لشكر كيغرق فالحزب وكال ليك غادي يرفع مذكرة للملك على "القطبية المصطنعة" ومحمد السادس مالو راه الديفو فيك ماشي فشي حد اخر

علمت "كود" ان اجتماع المكتب السياسي لحزب "الاتحاد الاشتراكي" اللي دار فالرباط اليوم الاثنين خرج خاوي. 5 سوايع والشفاوي ولهدرة لكبيرة بلا فايدة يحكي اتحادي ل"كود". وحسب مصدر "كود" فان الاجتماع اكد امرا واحدا "لشكر ما استافد والو ما فهم والو. الحزب كيغراق وهو ماديها فالهدرة الخاوية".
المضحك المبكي فهاد الاجتماع وفق مصدر "كود" هو ان لشكر كال ليك غادي يدير بيان وغادي يرفع مذكرة للملك محمد السادس. غادين ضحكو باش تعرفو علاش "كاليك على القطبية المصطنعة". دابا اش دخل الملك ولا كانت قطبية مصطنعة علاش ماديها فيها ومال الملك هو اللي صايبها. ما تعتارفش بها وهنينا. راك خسرتي يا لشكر وخاصك تستاقل بحال مزوار وتعتارف بلا ما تزايد