تلميذ ما لقى ما يكتب قامتحان الإنجليزية وها الرسالة لي كتب باش يبر علاش فهاد المادة (صورة)

تلميذ مستوى باكالوريا ما لقى ما يكتب فامتحان اللغة الإنجليزية وهو يكتب واحد الرسالة بالدارجة على ورقة الأجوبة إلى من يهمهم الأمر كيشرح فيها الظروف لي خلاتو ما يقشع حتى لعبة فالأسئلة ديال الإمتحان.
وبحسب مضمون الرسالة، التلميذ كيرجع الضعف ديالو فالإنجليزية إلى أنه مقراهاش حتى لمستوى الثالث إعدادي حيت هو غير ولد الشعب والأسرة ديالو غير على قد الحال.
وتابع التلميذ فنفس الرسالة أن ولاد المغاربة البسطاء غادي يكون مصيرهم الفشل حيت المغرب بلاد باك صاحبي وكيعترف غير بولاد الوزراء، بحسب تعبيره.
إيوا هاد التلميذ كيبان ضعيف ماشي غير فالإنجليزية ولكن حتى فالعربية لي قراها منذ السنة الأولى ابتدائي والدليل على هاد الكلام أنه كتب الرسالة بالدارجة ماشي بالعربية الفصحى.