الجزائر وحكامها ما بقاش عندهم كرام العقل. كاليك اسيدي المغرب دار صفقة شيطانية مع "داعش" و"القاعدة" باش ما يضربوهش وقراو اش كتبو

حكام الجزائر طار ليهم لفريخ وما بقات عندهم شي بوصلة. جريدة "ليكسبريسيون" دارت واحد المقال غريب على المغرب. كال ليك اسيدي ان هناك "تحالف شيطاني بين داعش" و"القاعدة" من جهة والمغرب من جهة ثانية من اجل تجنيب المغرب هجمات ارهابية.
جريدة "ليكسبريوسيون" اكدت ان "المغرب دار اتفاق" مع التنظيمين الارهابيين لحماية مصالحه المالية اللي كيجنيها من السياحة.
وباش يعطيوه لهاد لفهامة ديالهم معنى جابو الارقام. كال ليك كاين 2000 مغربي في التنظيمين معا والمغرب كيجيه 10 مليون سائح وكيجني سنويا 8 مليار دولار
وباش مشاو بعيد ذهبوا ان هذا الاتفاق الشيطاني حصل في الوقت الذي تعرضت فيه تونس لهجومات ارهابية في الاشهر الاخيرة
دابا هاد الجيران اش خاص الواحد يكول ليهم.