المعارضة ما فيدهاش وكتخاف. تلاقات مع مستشاري الملك وبعضهم كذب على الصحافة وكالو ما تلاقينا مع حتى واحد ومشاو يبكيو على مستشاري الملك: بنكيران كيوظف الملك. ياك عباس كال: برنامجي هو برنامج الملك

المعارضة الحالية ضعيفة ويوم بعد يوم كيظهر ضعفها. الاستطلاع الاخير اظهر ان المغاربة لا يثقون فيها. اخر فصول هذا النفور تصرفهم يوم الجمعة الماضية. فبعد خبر لقاء الاحزاب الاربع المعارضة للحكومة: الاستقلال والاتحاد الاشتراكي والاصالة والمعارضة والاتحاد الدستوري٬ ناض لشكر كيصرح ما تلاقيتش بالملك ولكن راك تلاقيتي بمستشاريه. استقلالي قال ل"كود" انه ما تلاقاش مع الملك وباش سولناه مع من تلاقيتي. مسح السما بليكا.
علاش كذبو وعلاش ما قالوش الحقيقة؟ هما اللي عارفين. الغريب ان يطلب زعماء الاحزاب المعارضة لقاء مع القصر لسبب واحد هو يشكيو ببنكيران لانه يوظف الملك في الصراع السياسي. واش هادو هبال فين عمر شي وزير اول ما وظفتش الملك. ياك عباس الفاسي كال ليهم برنامجي وهو برنامج الملك. ياك الحكومة هي حكومة "صاحب الجلالة". ما قدوش على بنكيران بداو كيخربقو وكيكذبو على الصحافيين باللي ما تلاقاو مع حتى حد. هاد الشي علاش شعبتيهم ضعيفة