المغربي الذي جعل اوباما شيطانا في حوار مع "كود": قبل كنت كنعرف اوباما ودابا ولى كيعرفني ويمكن نعرض عليه لشي كاس دتاي

كود: كيفاش حتى وليتي بين عشية وضحاياها شخصية مشهورة يطمح الكل في استضافتك؟
هادي هدية من السماء، حقاش اول مرة شي وحدين كيعرفو فين جا المغرب بفضل هاد السلسلة اللي لعبت فيها (جسد دور شيطان وشبهه أمريكيون باوباما)
ما كنتش كننتظر باللي هاد العمل الفني غادي يكون عندو اثر إيجابي بالنسبة لي ولا بالنسبة لبلادي

كود: بزافت القنوات اتصلوا بيك؟
سي ان ان وبي بي سي وقنوات كثيرة ماشي غير من امريكا وأوربا حتى من استراليا. أصبحت حديث تليفزيونات العالم كلو

كود: هاد التركيز العالمي على ذاك المشهد اللي بنتي فيه واش زعزعك؟
في البداية عادي ولكن باش دار البوز (buzz) رديت بالي هادا راه ماشي محمد مول البيستري، راه رئيس الولايات المتحدة الامريكية. هاد الشي علاش اتصلت بالإنتاج لمعرفة ما وقع. بالنسبة لي الموضوع خاصة تفكير قبل الرد لانه حساس
اتصلت بي أكثر من خمسين قناة ووكالة عالمية إجراء حوار