البيضي مريض: كان باغي يخرج يهضر على برشيد ولكن جاتو كريز على غفلة

نور الدين البيضي رئيس الشركة الرياضية ليوسفية برشيد جاتو كريز على غفلة، ما كانش معول عليها على حسب ما قالت شركة النادي.
نور الدين البيضي المثير للجدل فبرشيد وفالكورة المغربية بالطريقة اللي كيسير بها يوسفية برشيد سنوات هادي واخا دابا ما بقاش رئيس للنادي وكيترأس الشركة الرياضية ديالو، كان معول يدير ندوة صحافية اليوم الاحد، ولكن تقرر تأجيلها لأجل غير مسمى حيث رئيس الشركة الرياضية ليوسفية برشيد تعرض لوعكة صحية مفاجئة.
وكيجي تأجيل نور الدين البيضي للندوة الصحافية ديالو للمرة الثانية، بعدما أجلها من الجمعة اللي فاتت إلى اليوم الاحد، وكان السبب فهاديك المرة أسباب لوجستية، مع العلم أن المكتب المسير النادي برئاسة فتح الله المداني، أكد فوقت سابق أنه ما كيتحمل فيها حتى مسؤولية.