سعودي تعدى على حمد الله النجم الأول فاتحاد جدة بعد خسارة السوبر السعودي مع الهلال (فيديو)

تعرض الدولي المغربي عبد الرزاق حمد الله لاعب اتحاد جدة لاعتداء من طرف واحد الشخص فالفينال ديال كأس السوبر السعودي ضد الهلال.
وملي سالا الفينال بتتويج الهلال فريق ياسين بونو بعدما ربحو اتحاد جدة فريق عبد الرزاق حمد الله، بنتيجة 4 لواحد، تعرض حمد الله لاعتداء من طرف شخص ضربو بالزيرو اللي كيديرو السواعدا والخليجيين على ريوسهم للظهر ديالو، فسلوك لا رياضي، مع العلم أن حمد الله هو اللي ماركا الهدف الوحيد ديال الاتحاد فالماتش.
هاد السلوك البدائي ديال هاد المشجع بالاعتداء على عبد الرزاق حمد الله، غايدير جدل كبير وماشي فالسعودية ولكن فالكورة العالمية حيث ماشي معقول لاعب يتعرض للاعتداء بطريقة لا إنسانية وقدام أنظار العالم.
https://web.facebook.com/search/top?q=%D8%AD%D9%85%D8%AF%20%D8%A7%D9%84%D9%84%D9%87