الوداد اكتسحو أحسن تشكيلة لدومي فينال عصبة الأبطال والكاف اختار 5 الوداديين

اكتسح الوداد الرياضي أحسن تشكيلة ديال الاتحاد الإفريقي لكرة القدم لإياب دومي فينال عصبة أبطال إفريقيا، وهذا الشي بعد تقديم الفريق لماتش بطولي ضد صن داونز الجنوب إفريقي والتأهل للفينال.
واختار الاتحاد الإفريقي لكرة القدم، 5 ديال اللاعبين من الوداد الرياضي فأحسن تشكيلة روتور دومي فينال عصبة أبطال إفريقيا، مقابل 3 من الأهلي المصري الطرف الثاني اللي تأهل الفينال، و3 لاعبين من صن داونز الجنوب إفريقي اللي ودع البطولة على يد الواك.
لاعبين الوداد الرياضي اللي اختارهم الكاف هم، لكول يوسف المطيع، يحيى عطية الله، أيوب العملود، المقاتل أرسن زولا اللي كمل الماتش بنزيف بسبب إصابة فالراس، يحيى جبران، وجا اختيارهم بعدما ساهموا فتأهل الفريق للفينال، وتعادلو فماتش بطولي ضد صن داونز الجنوب إفريقي بنتيجة 2 مقابل 2.