أخنوش كذب الإشاعات فالبرلمان: المغاربة غادي يذبحو هاد العام فعيد الكبير والحكومة خدامة على ضمان الأضاحي بسعر معقول

بعد الإشاعات اللي نتاشرت بشكل كبير فالأسابيع الأخيرة، بخصوص إمكانية المغاربة ميدبحو فالعيد الكبير، كما وقع فالعام 1995 فعهد الملك الحسن الثاني، بسبب تداعيات الجفاف والانعكاسات ديالو على القطيع الوطني، خرج رئيس الحكومة عزيز أخنوش، اليوم الإثنين فالبرلمان، وقطع الشك باليقين.
أخنوش جاوب فجلسة للمساءلة الشهرية بمجلس النواب، نائب برلماني من المعارضة طرح عليه السؤال، وأكد ليه أخنوش بأن المغاربة غادي يدبحو هاد العام، عكس الإشاعات اللي كتروج.
أكثر من ذلك قال أخنوش بأن الحكومة خدامة على ضبط أسعار الأضاحي، باش تبقى الأثمنة فمتناول المواطنين.